navigacija Naslovnica Premium

Svijet

- 17.12.2014

Učenici pokušavali da se sakriju ispod klupa i recitovali Kuran

Kalid Kan, 13, rekao je za Rojters da su on i njegovi drugovi iz razreda bili na času prve pomoći u glavnoj sali kada su dvojica ćelavih napadača u bijeloj odjeći i crnim jaknama upali u prostoriju. „Otvorili su vatru na učenike i zatim izašli. Vojni doktor i vojnici su uspjeli da pobjegnu a mi smo zaključali vrata iznutra“, kazao je on. „Međutim, ubrzo su se vratili, razvalili vrata i ponovo počeli da pucaju“. On je rekao da su pokušali da se sakriju ispod klupa, ali da su ih ipak upucali, i dodao da je u vrijeme napada u sali bilo oko 150 učenika.

Jedan devetogodišnji dječak kazao je da su profesori uspjeli da njegov razred izvedu na zadnja vrata čim je počela pucnjava. „Nastavnik nam je rekao da tiho recitujemo odlomke iz Kurana“, kazao je. „Zatim smo izašli na zadnja vrata gdje je bilo puno uplakanih roditelja. Kada sam vidio mog oca i on je plakao“, kazao je dječak za Rojters.