Osmajić igrao na "Stamfordu", Čelsi ubjedljiv protiv Prestona

Nije bilo problema za Čelsi na putu ka 4. rundi FA kupa.

"Plavci" su opravdali ulogu favorita protiv drugoligaša Prestona (4:0), za koji je 64 minuta igrao crnogorski reprezentativac Milutin Osmajić.

Domaćin je dominirao na "Stamford bridžu", ali je pobjedu osigurao tek u drugom poluvremenu - put ka trijumfu mu je otvorio Armando Broja u 58. minutu.

Nakon pogotka Albanca, mrežu Prestona su tresli Tijago Silva i Rahim Sterling koji je pogodio iz slobodnog udarca, i na kraju Enco Fernandes.

U četvrtoj rundi je i Aston Vila, nakon komplikovanog gostovanja na "Riversajdu" protiv Midlsbroa.

Presudio je jedan gol u korist "lavova", postigao ga je Mati Keš u 87. minutu.