Košarkaš Real Madrida Mario Hezonja i igrač Efesa Ilajdža Brajant proglašeni su danas za najkorisnije igrače (MVP) 31. kola Evrolige.
Oni su svojim nastupima u ovoj rundi takmičenja sakupili po 33 indeksna poena.
Hezonja je odigrao glavnu ulogu u pobjedi Reala protiv Partizana u Beogradu sa 88:76. On je postigao 25 poena, ubacivši pet od šest pokušaja za tri poena, a upisao je i šest skokova i četiri asistencije.
Hezonja, pri tom, nije napravio nijedan faul, a iznudio je šest u pobjedi kojom je Real potvrdio prvo mjesto na kraju regularnog dijela sezone.
Brajant je bio najbolji u važnoj pobjedi Efesa protiv Albe sa 85:84. On je upisao 24 poena, pet skokova, četiri asistencije, dvije ukradene lopte i jednu blokadu.
Bonus video:
