navigacija Naslovnica Premium

SAVJETI ZA BOLJU VIDLJIVOST

19.12.2017 07:58

Kad da zamijenimo metlice brisača

Razlog za pruge na staklu često nije oštećenje brisača, nego prljavština na staklu ili na gumicama metlica, a sve to možete jednostavno da očistite i uštedite novac

Kad da zamijenimo metlice brisača Ilustracija
Vijesti online
Foto: Autor: Vijesti online

Brisače često i ne primjećujemo sve dok ne padnu prve kiše ili snjegovi, i po pravilu tek tada shvatimo u kakvom su stanju. U slučaju da su pohabani, imaćemo poteškoće da vidimo put pred sobom, a samim tim vožnja će da bude manje bezbjedna. Zato je bolje provjeriti ih na vrijeme i po potrebi zamijeniti. Za taj posao su vam potrebne nove metlice, sredstvo za čišćenje stakla i par krpa. Razlog za pruge na staklu često nije oštećenje brisača, nego prljavštima na staklu ili na gumicama metlica, a sve to možete da očistite. Prvo prevucite prstom preko ivice brisača. Da li je glatko ili ponegdje zapire? Da bi očistili brisače na svijetlu tkaninu naprskajte malo tečnosti za čišćenje prozorskih stakala, i lagano prevucite niz ivicu gume. 

Uradite ovo par puta, i vidjećete crne tragove na krpi. Ovo bi trebalo da uradite svaki put kada perete automobil. 

Međutim, ako su metlice oštećene, moraćete da ih zamijenite. Zavisno od upotrebe i spoljašnjih uticaja kao što su sunce i hladnoća, brisači mogu da traju od pola godine do godinu. 

Ako je došlo vrijeme za zamjenu brisača, metlice ćete najčešće birati po dužini, i to iz kataloga. Postoje tri osnovna tipa kačenja, bočni bolc, kuka i bajonet kačenje. Ne brinite, većina zamjenskih brisača dolazi sa adapterima koji omogućavaju montažu bilo koji kačenje da je u pitanju. 

Provjerite kako se kači metlica na vašem brisaču i odaberite odgovarajući adapter. Da bi skinuli staru metlicu, ponekad ćete morati da pritisnete neki osigurač da bi je otpustili sa nosača. Pokušajte da zapamtite kako je stari brisač nio zakačen, da bi lakše montirali novi. Pokušajte da izbjegnete najjeftinije metlice, jer one mogu da ostavljaju tragove i kad su nove, da škripe, a obično se ranije i potroše. 

Detaljno očistite vjetrobransko staklo prije nego što pričvrstite nove metlice, i upotrijebite neku ravnu oštricu ili strugalicu ako je potrebno da skinete tvrdu nečistoću na staklu. Ovo je vrlo važno, jer ona će vrlo brzo oštetiti gumu na novim brisačima. Strugalicom prelazite po staklu pod uglom od 30 stepeni, i tada nema opasnosti da ga oštetite. 

Postoje i različite vrste metlica brisača. Pored klasičnih koj imaju nosač čitavom dužinom, danas su vrlo popularne metlice sa elastičnim nosačima koji prijanjaju bolje u čitavoj dužini. Osim toga, moderniji i skuplji brisači imaju bolju aerodinamiku, i proizvode manje buke.

Ocijeni:

1 2 3 4 5

5 (4 glasova)

Komentari se na portalu objavljuju u realnom vremenu i "Vijesti online" se ne mogu smatrati odgovornim za napisano.

Zabranjen je govor mržnje, psovanje, vrijeđanje i klevetanje. Takav sadržaj će biti izbrisan čim bude primijećen, a autori mogu biti prijavljeni nadležnim institucijama. Ukoliko smatrate da se u ovom članku krši Kodeks novinara, prijavite Ombudsmanu.

Nije dozvoljeno postavljanje eksternih URL-ova u komentarima!

Ako imate neke primjedbe, sugestije ili komentare vezane za novi izgled i funkcionalnosti portala Vijesti, možete pisati na redizajn@vijesti.me.

Ako imate neke primjedbe, sugestije ili komentare vezane za PREMIUM sadržaj možete pisati na premium@vijesti.me.