navigacija Naslovnica Premium

NEOBIČNE VRSTE

27.9.2013 21:11

Životinje koje zamagljuju granice između polova

Sve ribe klovnovi su mužjaci na početku života, a kada ženke uginu, dominantni mužjaci pretvaraju se u ženke

Životinje koje zamagljuju granice između polova
Foto: Shutterstock Autor: Nacionalna geografija

Neobični svijet prirode ne prestaje da iznenađuje svojom posebnošću i neobičnošću. Postoje vrste koje naučnici i dalje ne razumiju i o kojima još uvijek uče.

Još od antičke Grčke ljudi preko šekspirovskih drama do današnjice ljudi su skloni maskiranju u suprotan pol. Međutim, mi nismo jedini koji to čine. I u životinjskom svijetu mogu se pronaći primjeri promjene pola.

Sipa

I ljudska bića, u zavisnosti od toga u kakvom su društvu, mijenjaju svoje ponašanje. To se uočava i kod sipa, ali one idu još dalje od nas.

Jedna vrsta sipe bukvalno pokaže svoju drugu stranu prema tome u kakvom se okruženju nalazi, naročito ako je društvo mješovito. Studija sidnejskog Univerziteta Mekveri je utvrdila da mužjaci ove morske životinje mogu da se podijele u donjem dijelu, pa se čini da su sa jedne strane mužjaci, a sa druge ženke. Mužjak koji se nalazi između mužjaka i ženke pokazaće ženki svoj pravi pol kako bi flertovao sa njom, dok će mužjaku pokazati svoje “žensko lice“. Na taj način, drugi mužjak će ispred sebe videti dvije ženke i neće biti rival.

Zmija podvezica

Među svim pripremama za parenje koje se kod u životinjskom svijetu mogu vidjeti, jedno od onih koja najviše privlače pažnju jeste „zavođenje“ tzv. riba podvezica.

U kanadskoj provinciji Manitobi, gdje živi najviše zmija ove vrste, mužjaci se iz zimskog sna bude sporo i nakon osam mjeseci. Iako su još uvijek pospani, oni su u pripravnosti kada je riječ o pronalasku partnerke. Neki od njih tada imitiraju ponašanje ženki.

Naučnici vjeruju da je ovakvo ponašanje mužjaka podstaknuto time što su ženske u prednosti po pitanju preživljavanja. Kada se ženka približi, odmah je okruže mužjaci koji se pretvaraju da su ženke, kako ne bi bili odbijeni. Ova grupa pomiješa se i formira „kuglu“, a na taj način se brani od predatora koji love pospane mužjake zmija.

Tačkasta hijena

Nijesu samo mužjaci iz životinjskog svijeta skloni održavanju privida da su drugog pola. Ženke tačkastih hijena su dominantne, veće i agresivnije od mužjaka iste vrste.

Ali nije samo njihovo ponašanje muževnije. Klitoris ženke tačkaste hijene je toliko uvećan da često dobija oblik pseudo-penisa. Čak je sposoban i za erekciju, a ženka se pomoću ovog dijela organa pari, urinira i porađa se. Čak i pogled izbliza nije dovoljan da se uoči razlika između mužjaka i ženke.

Postoje teorije, ali nema precizno određenog razloga za ovakve fizičke manifestacije kod tačkaste hijene.

Afrička buba slepi miš

Ova buba sisa krv slijepih miševa, a ponekad ujeda i ljude. Ipak, to nije najzanimljivije u vezi s ovim insektima. Oni imaju strategiju kojom čuvaju svoju bezbjednost i seksualni identitet.

Kako bi se zaštitile, ženka je razvila paragenitalije – otvor koji podsjeća na lijevak i zavarava mužjaka, tako da ga navede da ubode dio prepun imunih ćelija. Nakon toga, i mužjaci su formirali sopstvenu verziju paragenitalija. Na taj način, ženke imitiraju mužjake, koji imitiraju ženke, dok te mjere da je često teško odrediti ko je kog pola. Ipak, one se i dalje razmnožavaju.

Riba klovn i riba papagaj

Neke životinje ne mijenjaju pol samo prividno, već zaista pređu u drugi. Sve ribe klovnovi su mužjaci na početku života, a kada ženke uginu, dominantni mužjaci pretvaraju se u ženke, dok njegovo prethodno mjesto preuzima drugi mužjak.

S druge strane, ribe papagaji imaju organe oba pola, odnosno spadaju u red protoginih hermafrodita, što znači da mogu da pređu iz ženskog u muški pol. Neke ženke u stanju su da postanu tzv. supermužjaci – veće od prosječnog mužjaka i živopisnih boja.

Ocijeni:

1 2 3 4 5

0 (0 glasova)

Komentari se na portalu objavljuju u realnom vremenu i "Vijesti online" se ne mogu smatrati odgovornim za napisano.

Zabranjen je govor mržnje, psovanje, vrijeđanje i klevetanje. Takav sadržaj će biti izbrisan čim bude primijećen, a autori mogu biti prijavljeni nadležnim institucijama. Ukoliko smatrate da se u ovom članku krši Kodeks novinara, prijavite Ombudsmanu.

Nije dozvoljeno postavljanje eksternih URL-ova u komentarima!

Ako imate neke primjedbe, sugestije ili komentare vezane za novi izgled i funkcionalnosti portala Vijesti, možete pisati na redizajn@vijesti.me.

Ako imate neke primjedbe, sugestije ili komentare vezane za PREMIUM sadržaj možete pisati na premium@vijesti.me.

Izdvojeni komentari Komentara: 7

  • sa:-) 5 godina i 2 mjeseca
    nisam odavno procitao bolji ANTI LGBT tekst. porediti ekipu iz LGBT sa sipama, zmijama, hijenama... hrabro. moje cestitke!
    • 0
    • 0
  • karadag 5 godina i 2 mjeseca
    Vijesti Interesujte se malo ipak prije ovakvog teksta i to bas u ove dane pred paradu ponosa.Za vasu informaciju a potpuno ispitano "Golubovi se nakon ljeta odvajaju po polovima u dva odvojena boksa da bi se pravilno izmitarili i cesto je moguce da golub ili golubica pokazuje homo-sklonosti.Takvi se golubovi hitno uklanjaju da se BOLEST kako je nazivaju ,ne prenese na ostatak jata koje bi time postalo neupotrebljivo.Zivotinje tako a ljudi nastali od zivotinja to zovu PONOSOM ,sad vidite dje smo
    • 0
    • 0
  • DzoKomunjara 5 godina i 2 mjeseca
    Bolesno
    • 0
    • 0