navigacija Naslovnica Premium

NEPOŽELJNA NAVIKA

1.5.2015 16:44

Kako naučiti psa da ne skače na ljude?

Pročitajte kako da iskorjenite ovu upornu naviku vašeg psa...

Kako naučiti psa da ne skače na ljude? Ilustracija
Vijesti online
Foto: Shutterstock Autor: Vijesti online

Iako nekim vlasnicima i ljubiteljima životinja ne smeta, skakanje je jedan od najčešćih problema u ponašanju pasa koje se smatra nepoželjnim. 

Psi ne skaču na ljude iz zle namjere, već uglavnom zato što su za to ponašanje bili podstaknuti i nagrađeni. Naime, koliko god se mi trudili, problem uglavnom nastaje kada drugi ljudi uporno svojom pažnjom, maženjem, tepanjem i poslasticama nagrađuju i podstiču psa da skače. Ako ne želite da pas skače na vas i druge ljude, nemojte podsticati skakanje! 

Naravno, prevencija je najvažnija! Kada štene stigne u vaš dom trebalo bi odmah početi sa dresurom i sprečavanjem psa da ne skače na ljude. 

Zato je važno odmah na početku napomenuti drugim ljudima (kod kuće, gostima, prolaznicima) da štene ne diraju i ne maze ako počne da skače, već da ga ignorišu i udalje se od njega. 

Naravno, kako je socijalizacija veoma važna, to ne znači da treba sprečavati bilo kakav kontakt između šteneta i ljudi. Naime, cilj je naučiti štene od ranog uzrasta da će pažnju, maženje i poslastice dobiti kad ne skače. 

I kod odraslih pasa princip je isti, samo što je teže promijeniti i iskorjeniti naučena i čvrsto usađena ponašanja. Kada počne da skače na vas okrenite mu leđa i ignorišite ga (ne gledajte ga, ne obraćajte mu se, ne gurajte ga). Svaka pažnja, pa čak i negativna, poput odguravanja i vikanja, može biti dovoljan podsticaj da nastavi sa neželjenim ponašanjem. 

pas, skakanje

Ako ste kod kuće, a pas je uporan, izađite iz sobe i uđite u drugu prostoriju na desetak sekundi, a zatim mirno izađite i ponavljajte postupak. Poželjno ponašanje podstaknite pohvalom ili maženjem i mirnim tonom kako se pas ne bi ponovo uzbudio. 

Naravno, skakanje nikada nemojte kažnjavati fizički! Upornost i dosljednost je ključ ovog treninga! Ukoliko vam je potrebna podrška, obratite se veterinaru ili stručnjaku za ponašanje pasa.

Foto: zivotinje.rs

Ocijeni:

1 2 3 4 5

0 (0 glasova)

Komentari se na portalu objavljuju u realnom vremenu i "Vijesti online" se ne mogu smatrati odgovornim za napisano.

Zabranjen je govor mržnje, psovanje, vrijeđanje i klevetanje. Takav sadržaj će biti izbrisan čim bude primijećen, a autori mogu biti prijavljeni nadležnim institucijama. Ukoliko smatrate da se u ovom članku krši Kodeks novinara, prijavite Ombudsmanu.

Nije dozvoljeno postavljanje eksternih URL-ova u komentarima!

Ako imate neke primjedbe, sugestije ili komentare vezane za novi izgled i funkcionalnosti portala Vijesti, možete pisati na redizajn@vijesti.me.

Ako imate neke primjedbe, sugestije ili komentare vezane za PREMIUM sadržaj možete pisati na premium@vijesti.me.

Izdvojeni komentari Komentara: 1

  • Ahil64 3 godine i 6 mjeseci
    Kako naučiti isto to čovjeka?
    • 3
    • 0