Zaposleni u Porto Montenegru posjetili Dječji dom „Mladost“

Zaposleni u kompaniji „Adriatic Marinas“ i hotelu „Regent“ iz Tivta posjetili su štićenike Dječjeg doma „Mladost“ u Bijeloj, tradicionalno im darujući novogodišnje paketiće.

„Zaposleni u Porto Montenegru su prikupili oko 4.000 eura za poklone mališanima, te je svako dijete dobilo igračke, slatkiše, garderobu za zimske dane i toplu obuću. Najviše osmjeha na dječjim licima izmamili su animator Žarko Žabac i Djeda Mraz, koji su pripremili pravi spektakl za najmlađe, a dječji zagrljaji koje su nesebično dijelili, bili su najljepši poklon za uzvrat,“ saopšteno je tim povodom iz Porto Montenegra.

Zamjenica direktora Doma „Mladost“ Slavica Ilić izrazila je zahvalnost kompaniji na poklonima i već tradicionalnim novogodišnjim posjetama.

Inače, zaposleni u kompaniji „Adriatic Marinas“, tradicionalno, svake godine posjećuju štićenika doma u Bijeloj, a prije dvije godine su rekonstruisali i dječje dvorišno igralište, koje im koristiti za vrijeme njihovih svakodnevnih aktivnosti, u igri i druženju.

Galerija

( Siniša Luković )