Ne stavljajte dezodorans ujutru
Ova mala promjena u rutini neće vam uštedjeti mnogo vremena ujutru, ali će vas spasiti od neprijatnosti da dan započnete sa velikim flekama od znoja na vašoj čistoj košulji ili haljini
Za većinu odraslih jutarnja rutina izgleda ovako: nekoliko puta pomjeramo vrijeme ustajanja na budilniku, ustajemo, tuširamo se, stavljamo dezodorans, oblačimo se i napuštamo kuću. Međutim, u tom rasporedu dezodorans je višak. Stručnjaci su otkrili da bi ga trebalo staviti uveče, prije spavanja. Evo i zašto...
Antiperspirant djeluje tako što zatvara znojne kanale, što znači da spriječava znoj da izađe iz tijela. Prskajući dezodorans uveče (kada je koža suva, a znojne žlijezde manje aktivne), antiperspirant ima dovoljno vremena da zapuši kanale.
Čak i ukoliko se istuširate ujutru, antiperspirant bi trebalo da nastavi da djeluje naredna 24 sata.
Ova mala promjena u rutini neće vam uštedjeti mnogo vremena ujutru, ali će vas spasiti od neprijatnosti da dan započnete sa velikim flekama od znoja na vašoj čistoj košulji ili haljini, prenose Novosti.
( Vijesti online )