Sos od šampinjona: Odlično ide uz razna jela ili kao punjenje
Količinu pavlake prilagodite tome da li ćete sos koristiti na primjer za punjenje nečega ili za prelivanje mesa nakon serviranja
Sos od šampinjona jedan je od najjednostavnijih umaka, mogu ga pripremiti i početnici u kuhinji. U sos se ne dodaje brašno, a obogatiće ukus raznim vrstama mesa ili drugih jela. Uostalom, za najlakšu varijantu, možete ga iskombinovati sa tjesteninim.
Sastojci:
- 50 ml ulja ili maslaca
- 400 gr svježih šampinjona
- pola kašičice ili malo manje soli
- 2 - 3 prstohvata bibera
- 1 kašičica sušenog peršunovog lista
- 500 ml pavlake za kuvanje ( od koje ćete utrošiti 150 ml za gušći sos ili 300 – 400 za redji)
Priprema:
U dublji tiganj ili malu šerpu stavite ulje ili maslac da se zagriju. Na zagrijano ulje odmah rendajte šampinjone. Možete ih narendati i prije. Malo posoliti i na srednjoj vatri polako dinstati. Kada ih posolite pustiće višak vode. Dinstati dok taj višak vode ne uvri.
Zatim naliti neutralnu pavlaku, oko 150 ml i promiješati, pa dodati začine. Tada procijenite koliko još pavlake želite.
Količinu pavlake prilagodite tome da li ćete sos koristiti na primjer za punjenje nečega ili za prelivanje mesa nakon serviranja.
( Vijesti online )