Zarubica se vratio na teren poslije više od dva mjeseca i pogodio za pobjedu Ljačija

Poslije više od dva mjeseca pauze Dejan Zarubica se vratio na teren i donio pobjedu Ljačiju.

Ljači je danas u 29. kolu albanskog prvenstva savladao Dinamo iz Tirane 2:1, a Zarubica je gol za pobjedu postigao u 86. minutu iz penala.

Bivši igrač Sutjeske i Budućnosti u igru je ušao u 72. minutu.

Zarubica je posljednji meč odigrao 31. januara, potom je pauzirao zbog povrede, a danas je postigao sedmi gol na 15 mečeva u ligi, uz još tri asistencije.

Ljači je drugi na tabeli sa 50 bodova, 16 manje od vodeće Tirane.

( Vijesti sport )