Rožajska policija oduzela pušku i pištolj
Policija u Rožajama oduzela oružje šezdesetdvogodišnjem muškarcu, pokrenut prekršajni postupak
Rožajska policija oduzela je pušku i pištolj od šezdesetdvogodišnjeg D. S. čiju kuću su prije tri dana pretresli po naredbi tamošnjeg Osnovnog suda, saznaju “Vijesti” nezvanično.
Prema istim informacijama kuća tog Rožajca i njegovog sina M. S. pretresena je 11. avgusta.
Sagovornik “Vijesti” kazao je da je D. S., kada su došli u pretres, policijskim inspektorima predao oružje, koje je prethodno čuvao na adekvatan način.
“Rožajac D. S. policiji je odmah predao pištolj i pušku, koje je čuvao na adekvatan način, ali je protiv njega pokrenut prekršajni postupak jer nakon okončanog ostavinskog postupka nije obavijestio rožajsku filijalu Ministarstva unutrašnjih poslova o čuvanju oružja”, rekao je “Vijestima” nezvanično sagovornik iz Uprave policije.
( Jelena Jovanović )