Nigeriji bronza u Kazablanci, Salah promašio u penal-seriji

Fudbalska reprezentacija Nigerije pobijedila je danas u Kazablanci selekciju Egipta poslije penala sa 4:2 i tako osvojila treće mjesto na Kupu afričkih nacija.

U regularnih 90 minuta nije bilo golova, pa je sve riješeno poslije penala.

Oba tima nisu bila precizna u prvoj seriji, pošto su penale loše izveli Fisajo Dele Baširu za Nigeriju, odnosno Mohamed Salah za Egipat.

Golman Nigerije Stenli Nvabili odbranio je i udarac Omara Marmuša u drugoj seriji, što je na kraju bio ključan trenutak na ovoj utakmici.

Finale se igra sjutra od 20 sati u Rabatu, a za titulu će se boriti Maroko i Senegal.

( Beta )