Druga najveća pobjeda talentovanog Čeha: Srušio Đokovića, a sada i Sinera

Jakub Menšik je veliki talenat češkog i svjetskog tenisa, iako se dugo tražio otkada je prošle godine u finalu mastersa u Majamiju senzacionalno srušio najvećeg ikada, Novaka Đokovića.

Danas je ostvario drugu najveću pobjedu u karijeri - bio je bolji od Janika Sinera, drugog igrača na ATP listi.

Menšik, 16. teniser svijeta, plasirao se u polufinale turnira u Dohi, trijumfom nad Italijanom 7:6 (3), 2:6, 6:3.

U polufinalu će se sastati sa 40. igračem svijeta Arturom Filom iz Francuske. U drugom polufinalu igraju prvi teniser svijeta Španac Karlos Alkaras i branilac titule u Dohi - Rus Andrej Rubljov.

Alkaras je ranije danas preokretom pobijedio Rusa Karena Hačanova.

( Dl.M. )