SA 64 POLJA: Bez dogme

Partija koju danas objavljujemo ilustrativan je primjer prednosti para skakača - u konkretnoj poziciji - nad lovačkim parom. Drugim riječima, nema nijednog pravila koje bi bilo važeće na crno-bijelim poljima u svakoj poziciji.

Lovački par, kao i par skakača, vrijedan je tačno toliko koliko pripada opštem skupu snaga u izvjesnoj poziciji, u izvjesnom trenutku. Pri tome, može se konstatovati: u blokiranoj poziciji, gdje su dijagonale zatvorene, po pravilu je jači par skakača. U otvorenoj borbi i završnici prednost ima lovački par.

KARO - KAN ODBRANA

CUKERMAN - MAROVIĆ

MALAGA, 1968.

KOMENTARI; VM D. MAROVIĆ

1.e4 c6 2. Sc3 d5 3.Sf3 Lg4 4.h3 Lxf3 5.Dxf3 Sf6 d3 e6

Crni je dao lovački par, ali odmah teži zatvorenoj poziciji u kojoj bijeli lovački par ne bi dolazio do izražaja. 5…Sf6 ima takvu namjeru i poziva bijelog na 6…e5 Sfd7 sa prelaskom u povoljnu varijantu Francuske odbrane, u kojoj se crni riješio svog slabog daminog lovca. Poslije 6. d3 on nastavlja “zatvorenu” strategiju.

7.Ld2 Lb4 8.a3 Ld6 9.g4? Nužno je bilo 9.d4 sa uvođenjem kraljevog lovca na otvorenu dijagonalu.

9…d4!

Crni ispravno rezonuje. Blokadom centra nada se da će stvoriti zatvorenu poziciju koja neće odgovarati bijelim lovcima.

10.Se2 Db6 11.0-0-0?

Bijeli juri ravno pod napad. 11. Ta2 je nedovoljno, ali je sigurno bolje. 11…Sfd7

12.Dg2

Bijeli sprovodi svoj plan sa napredovanjem pješaka, ali je sad očigledno da mu je koncepcija igre prespora i da su prijetnje crnog na daminom krilu mnogo realnije.

12..e5 13.f4 Sc5 14.fe5 Sa4

Dobro je i 14…Lxe5 uz Se6

15.b3 Lxa3+ 16.Kb1 sb2 17.Lc1

Iznuđeno, jer na 17.Tc1 ili 18.Te1 dobija 18…Sxd3

17..Sxd1 18.Lxa3 Da5 19.Lc1

Zbog mogućnosti De1 u nekim varijantama bijeli se morao vratiti lovcem na c1. I moram reći, da tako bijedan lovački par, bespomoćno zatvoren vlastitim pješacima nijesam skoro vidio. Naprotiv, crni skakač na d1 je megdandžija kojeg ni napasti ne možeš.

19..c5

Priprema dobitnički ulazak drugog skakača u igru i bijeli se mirne duše mogao mirno predati.

20.c4 Sc6 21.Kc2 Se3+ 22.Lxe3+

Bijeli predaje.

( Nebojša Knežević )