Po gol u oba poluvremena, Juve upisao treću pobjedu zaredom

Fudbaleri Juventusa savladali su večeras na domaćem terenu Bolonju (2:0) u 33. kolu Serije A.

Ekipa iz Torina je upisala treću pobjedu zaredom i na četvrtom mjestu ima tri boda manje od Milana i Napolija, a pet više od Koma.

Juve je poveo već u drugom minutu, kada je sa desne strane loptu u peterac ubacio Kalulu, a gol postigao Dejvid.

Sredinom prvog dijela je domaćin imao dvije velike šanse - prvo je Konseisao izašao sam ispred Ravalje, ali je bio neprecizan, a onda je Holm pogodio prečku.

Konačan rezultat je postavljen u 57. minutu. Mekeni je centrirao, a mrežu zatresao Tiram.

Nakon toga je Bolonja mogla do gola, a najbolju priliku nije iskoristio Rou, koji je pogodio stativu.

( S. Nj. )