Komo u Veroni nastavio da sanja Ligu šampiona

Fudbaleri Koma pobijedili su danas na gostovanju Veronu sa 1:0, u meču 36. kola italijanske Serije A.

Gol za Komo postigao je Anastasios Duvikas u 71. minutu, a četiri minuta kasnije domaći tim mogao je do izjednačenja, ali je pogodak Kirona Bouija poništen zbog ofsajda.

Komo dva kola prije kraja Serije A zauzima peto mjesto sa 65 bodova, i ima bod više uz utakmicu više od šestoplasirane Rome. Juve ima tri boda više od Fabregasove ekipe, a Milan dva boda više i meč manje, a taj duel će odigrati večeras protiv Atalante.

Verona, koja je ranije ispala u niži rang, posljednju pobjedu je zabilježila 8. marta. Na tabeli Serije A zauzima 19. mjesto sa 20 bodova.

U narednom kolu Komo dočekuje Parmu, a Verona gostuje Interu u Milanu.

( BETA )