Bogavac i Grbović na terenu, poraz Oklahome
Oklahoma Stejt izgubila od Nju Meksika 99:89 u kontrolnom susretu
Bliži se početak NCAA šampionata, a sinoć su na terenu bili crnogorski košarkaši, Luka Bogavac i Andrija Grbović, koji nastupaju za Oklahoma Stejt.
Oklahoma je sinoć na domaćem terenu u pripremnoj utakmici izgubila od Nju Meksika (99:89), a Bogavac je igrao 24 minuta i za to vrijeme postigao 13 poena (3/10 šut iz igre, 3/7 za tri poena, 4/4 sa penala), a imao je još četiri skoka.
Grbović je utakmicu počeo u startnoj petorci, a na terenu je proveo 22 minuta - postigao je četiri poena (1/5 iz igre, 1/3 za tri), a imao je još pet skokova i jednu asistenciju.
Bogavac je prethodne sezone nastupao za Sjevernu Karolinu, dok je Grbović nosio dres Arizone.
Oklahoma Stejt u narednom pripremnom meču, 23. oktobra, igra protiv Tulse.
( S. Nj. )