Sofija i Vasilije najčešći izbor roditelja: Kako biramo imena za djecu?

Nekada su imena novorođene djece birale babe i đedovi. Danas inspiracija može stići i sa Instagrama.

Nekome je presudno značenje, nekome porodična tradicija, a nekome jednostavno prvi utisak.

I dok se roditelji vode različitim željama, statistika pokazuje da neka imena ipak odnose pobjedu.

U prvih devet mjeseci ove godine ime Sofija dobile su 82 djevojčice, dok je Vasilije ime čak 105 dječaka. Na listi najčešćih ženskih imena slijede Bogdana, Dunja, Maša i Ksenija, a među muškim Bogdan, Luka, Petar i Vuk.

Građani su za "Boje jutra" otkrili i neobične priče o tome kako su dobili svoja imena.

( Nina Marković )