PORTAL ZA SVE GURMANE

Lansiran gastro.vijesti.me: Za puno srce i stomak

Crna Gora je do sada, na žalost, za razliku od zemalja regiona bila u velikom zaostatku kada je riječ o portalima koji se bave kuhinjom i gastronomijom
0 komentar(a)
Gastro.vijesti.me, Foto: Gastro.vijesti.me
Gastro.vijesti.me, Foto: Gastro.vijesti.me
Ažurirano: 15.02.2019. 17:47h

Počeo je sa radom gastro.vijesti.me portal, na kome se govori o uživanju, istraživanju, gastronomiji, punom srcu i stomaku.

Crna Gora je do sada, na žalost, za razliku od zemalja regiona bila u velikom zaostatku kada je riječ o portalima koji se bave kuhinjom i gastronomijom.

"Na sreću, možemo reći da smo prvi koji na ovakav način pristupaju, ne kuhinji, ne receptima, već generalno gastro filozofiji. Naša ideja je da promovišemo domaće majstore sa novim i tradicionalnim jelima, da izvučemo iz ćoškova stara zaboravljena jela crnogorske kuhinje i da pokažemo da u njoj ima više od kačamaka, raštana i roštilja, koji zapravo i nije crnogorska autentična hrana", kažu iz Gastro ekipe.

Gastro.vijesti.me otvara prostor za stare i nove šefove koji će pisati recepture, pa i o gastro trendovima, gastro uživanjima, dijeliti savjete. Stvara sferu koju treba popuniti food blogovima, pa se pozivaju svi da pišu o jelima koje vole, koje spremaju, o namirnicama i kuhinjama sa kojima se sreću. Fotografišite i pokažeit da je priprema umjestnost, baš koliko i istinsko uživanje u hrani  

Gastro portal će vam odgovoriti i na pitanje "Što ćemo danas za ručak", sa preko 200 recepata za početak, a očekuje vas veliki broj novih svakog dana.

"U rubrikama Uvijek svježe, Savjeti, Konoba, moći ćete da čitate o kuhinjama svijeta, načinima prirpeme, pronalazićemo najnovije trikove koji kuvanje izbacaju iz domena moranja i dosade. Gastronomija ima svoja pravila, a ćemo i njih objavljivati, kao i vijesti iz tog svijeta o novim proizvodima, načinima, posuđu, novim zvijezdama kuhinje... Imamo u planu i da napravimo svoje zvijezde kuhinje i promovišemo ljude za koje niste znali kako se zovu, ali u čijim ste jelima sigurno uživali. Imamo u planu i da vam predstavimo mlade ljude koji su se takmičili po svijetu i donosili nagrade", navodi ekipa Gastro portala.

Gastro.vijesti.me će vam otkriti jedan novi svijet, koji će očuvati vaš dom jer kuhinja je srce kuće.