Brzi kolač od jabuka: Tako jednostavan da vam ne treba ni mikser

Nećete se niti umoriti, niti potrošiti puno para, a pred vama će biti mirišljavo i slatko zadovoljstvo

39322 pregleda 95 reakcija 2 komentar(a)
Ilustracija, Foto: Printscreen YouTube
Ilustracija, Foto: Printscreen YouTube

Pravo je vrijeme za kolače sa jabukama. Ako ga spremite po ovom receptu, nećete se niti umoriti, niti potrošiti puno para, a pred vama će biti mirišljavo i slatko zadovoljstvo. Ako vam iz opisa ne bude dovoljno jasno kako se kolač sprema, pogledajte video sa bloga Natašine slastice.

Sastojci:

Za tijesto:

  • 200 grama brašna
  • 180 grama šećera
  • 200 grama griza
  • 1 prašak za pecivo

Fil:

  • 1 kg izrendanih jabuka
  • 2 vanilin šećera
  • 1 kašičica cimeta

Preliv:

  • 100 ml ulja
  • 250 ml mlijeka
  • 1 jaje

Dekokoracija:

  • 3 šlaga
  • mlijeko
  • po želji cimet za posipanje

Priprema:

Prašak za pecivo pomiješajte s brašnom i dodajte u posudu. Nastavite da dodajete šećer i griz isve zajedno sjedinite varjačom. Posebno pomiješajte jabuke s vanilin šećerom i cimetom. Za preliv mutilicom pomiješajte ulje, mlijeko i jaje.

Kalup za pečenje dimenzija 20x35 cm pouljite i pobrašnite. U kalup viljuškom rasporedite 1/3 suvih sastojaka i 1/3 narendanih jabuka. Ostale trećine rasporedite na isti način.

Raspoređenu smjesu prelijte s pripremljenim prelivom. Kolač stavite u rernu prethodno zagrijanu na 180 stepeni i pecite.

Kada se kolač ohladi premažite ga šlagom koji se pripremili po uputstvima sa kesice. Na kraju ga možete posuti cimetom.

Bonus video: