Šarene oblande: Lak put do slatkiša

Kad vam se sprema samo nešto jednostavno

15775 pregleda 22 reakcija 0 komentar(a)
Ilustracija, Foto: Instagram/vukica5
Ilustracija, Foto: Instagram/vukica5

Ima tako dana kad se vama i vašim ukućanima jede nešto slatko, a nijeste raspoloženi da pečete kore, pravite zahtjevnije kolače… U takvim situacijama oblande su sasvim solidno rješenje.

Sastojci:

  • 5 dl mlijeka
  • 500 g mljevenog keksa
  • 300 g pečenih mljevenih oraha ili lješnika ili badema
  • 250-300 g šećera
  • 250 g putera
  • 100 g tamne čokolade
  • 1 vanilin šećer
  • 1 pakovanje oblandi

Priprema:

Orahe ispeći u suvom tiganju i paziti da ne izgore, ohladiti i samljeti. ​U veću šerpu sipati mlijeko i šećer pa staviti da provri, dodati puter i miješati dok se ne istopi, skloniti sa vatre i dodati vanilu. ​U vruću smjesu sipati keks i orahe izmiješati da se sve sjedini. ​Smjesu podijeliti na 2 dijela pa u jedan dodati tamnu čokoladu i miješati da se čokolada istopi. Sačekati malo da fil bude topao, ne smije biti vruć, ni hladan. Čokoladnom smjesom premazati 2 lista oblande, svijetllom smjesom premazati 2 lista pa slagati naizmjenično jedan na drugi i na kraju staviti peti list. Pritisnuti težim predmetom. Ostavite ih nekoliko sati ili da prenoće i spremne su za rezanje i probanje.

Bonus video: