Iz poklon dodatka Vijesti: Fantastični sok od dunja i jabuka

Recepti za džemove, marmelade, sokove i slatko, sa minimumom šećera, biće pred vama u dodatku Vijesti u nedjelju, 22. septembra
3716 pregleda 1 komentar(a)
Sok od dunja i jabuka, Foto: Vijesti
Sok od dunja i jabuka, Foto: Vijesti
Ažurirano: 20.09.2019. 22:31h

Uz recepte koji će biti objavljeni u dodatku Vijesti "Slatka zimnica", koji izlazi u nedjelju, 22. septembra, možete pripremiti džemove, marmelade, sokove i slatko sa minimumom šećera i konzervansa.

Dobićete poslastice zdrave kao pravo svježe voće.

Izdvojili smo recept za jednu od takvih.

Potrebno je:

-2,5 kg dunje

-2,5 kg jabuka

-1 kg šećera

-2 kesice limuntosa

-4 litra vode

Priprema:

Voćke dobro operite i zajedno sa korom isjecite na kriške. Ubacite ih u šerpu, prelijte vodom i kuvajte na jakoj vatri sve dok ne proključa. Kada omekšaju, sklonite posudu sa ringle i ostavite neka se sasvim malo prohlade. Ubacite ih u blender ili izmiksajte, pa zatim ponovo vratite na vatru. Dodajte limuntos i šećer, pa konstantno miješajte dok se sve ne istopi i sjedini. Kada je gotov, kašasti sok od dunje i jabuka prespite u staklene flaše. Sve dobro zatvorite, zamotajte u krpu i ostavite da se hladi. Sok od dunja iz sokovnika ili ovako napravljen u blenderu, pije se bez razrjeđivanja vodom. Možete ga začiniti listom ili sirupom od mente.

Bonus video: