Krem čorba od krompira: Ne košta puno i gotova je za pola sata - Vijesti.me
PREDJELO ILI GLAVNO JELO

Krem čorba od krompira: Ne košta puno i gotova je za pola sata

Kad stignete do posluživanja, u čorbu možete dodati rendani sir, hrskavu slaninu ili kisjelu pavlaku

Ilustracija
Ilustracija (Foto: Shutterstock)

Guste, kremaste čorbe idealne su za kraj dugog i napornog radnog dana. Još su nam bolje kada priprema traje kraće od pola sata. Može se servirati kao predjelo, ali zasitna je i puna ukusa pa će dobro poslužiti i kao glavno jelo. Ovo je i jedan u nizu recepata za koji je potreban temeljac. Naravno, može se koristiti i kocka za supu, ali domaći temeljac ima daleko bolji ukus i benefite za organizam. 

Sastojci:

  • 1,3 kg krompira
  • 1 luk
  • 3 srednje šargarepe 
  • 2 celera
  • 800 ml pileće supe (domaće ili napravljene od kocke)
  • 600 ml mlijeka
  • 80 g maslaca
  • 40 g brašna
  • So, biber

Proprema:

Krumpir oprati, oljuštiti, i narezati na kocke. Luk, celer i šargarepu sitno nasjeckati. Luk i šargarepu kratko prodinstati, zatim dodati krompir i celer, zaliti temeljcem i kuvati 20-ak minuta.

U međuvremenu u tiganju otopiti maslac, dodati brašno i sipati mlijeko. Kad se postane gusto, skinuti sa vatre i pomiješati sa krompirom. Kratko ponovo zagrijati uz stalno miješanje. Može se dodati rendani sir, hrskava slanina ili kisjela pavlaka.


Najčitanije iz sekcije Kuhinja