Pripremite karbonaru na malo drugačiji način...Topla i kremasta pasta s kobasicom prema receptu poznatog kuvara Džejni Olivera oduševiće vas ukusom. Za ovaj brz, jednostavan i ukusan obrok potrebno vam je samo nekoliko sastojaka i 30- ak minuta.
Sastojci:
- 2 veća jaja
- šaka svježeg peršuna, nasjeckanog
- 1 šolja narendanog parmezana
- 225 g kobasice
- 1 kašičica bijelog bibera
- 1 kašičica crnog bibera
- 1 kašičica maslinovog ulja
- tjestenina po izboru
- so po ukusu
Priprema:
Umutite jaja i dodajte peršun i parmezan.
Kobasicu prerežite i istisnite sadržaj pa rukom dodatno oblikujte u male kuglice. Tanjir pospite crnim i bijelim biberom,pomiješajte i uvaljajte svaku kuglicu. Zagrijte u tiganju maslinovo ulje i dodajte mesne kuglice, protresite da bi se ravnomjerno ispekle. Pržite nekoliko minuta dok meso ne poprimi zlatnosmeđu boju.
U međuvremenu u vreloj posoljenoj vodi skuvajte tjesteninu. Ocijedite, ali ostavite malo vode sa strane. Tjesteninu dodajte kuglicama i sipajte malo vode u kojoj se kuvala.
Dodajte jaja i dobro promiješajte. Po potrebi dodajte još malo vode u kojoj se kuvala tjestenina. Servirajte toplo uz narendan sir i peršun.
Bonus video:
