Špageti lazanja, a možda je i špageti pica - možete sami da odlučite kako ćete zvati ovo jelo, koje se pravi po receptu 'od svega po malo'. Možda bi najprecizniji naziv bio zapečene ili "gratinirane" špagete. Kako god da ga nazovete, priprema je jednostavna.
Sastojci:
- 400 g špageta,
- 250 g stišnjene šunke,
- 250 g sira,
- 2 dl (1 čaša) kisjele pavlake,
- 2-3 dl soka od paradajza,
- origano,
- malo ulja,
- nekoliko maslina,
- so i biber.
Priprema:
Dok se špagete kuvaju, šunku nasjeckajte na rezance ili kockice. Sir narendajte ili nasijecite na manje komade. Kuvane špagete ocijedite od vode i sipajte u činiju. Dodajte im malo ulja i kisjelu pavlaku i sve promiješajte. Posolite po ukusu. Dodajte i nasjeckanu šunku, veći dio narendanog sira, paradajz, origano i mljeveni biber. Sve opet promiješajte i prespite u nauljenu vatrostalnu posudu ili dublju tepsiju.
Špagete prekrijte narendanim ili isječenim sirom, dodajte i koju suvu maslinu i stavite u rernu zagrijanu na 220-250°C. Pecite oko 15 minuta dok se sir ne otopi ili dok ne porumeni.
Bonus video:
