"Bafana Bafana" srušila Angolu - Vijesti.me
KUP AFRIKE

"Bafana Bafana" srušila Angolu

"Bafana Bafana" stigla je do pobjede sjajnim volej udarcem Sijagbone Sangenija u 30, te rutinskom realizacijom Majoroa u 62. minutu

Kape Verde
Kape Verde (Foto: Beta/AP)

Prva pobjeda domaćina na Kupu Afričkih nacija, tek u drugom kolu. Selekcija Južne Afrike savladala je Angolu u Durbanu sa 2:0 i sada je prva na tabeli grupe A sa četiri boda.

"Bafana Bafana" stigla je do pobjede sjajnim volej udarcem Sijagbone Sangenija u 30, te rutinskom realizacijom Majoroa u 62. minutu.

Još ljepša utakmica gledana je u Johanesburgu, gdje su se sastali autsajder Kape Verde (Zelenorska ostrva) i favorit Maroko. Iako bi petina populacije Kape Verdea mogla da se smjesti na stadionu, popularne "plave ajkule" vodile su sa 1:0 golom Platinija i tokom većeg dijela meča igrale bolji fudbal od rivala sa sjevera.

Završilo se ipak 1:1, jer su "lavovi Atlasa" iskoristili veće iskustvo da izjednače u finišu preko Jusufa Al Arabija. Bez obzira na gubitak dva boda i drugi remi na šampionatu, selekcija Kape Verde i dalje je najomiljenija selekcija na turniru.

Danas se igraju mečevi 2. kola u grupi B. Selekcija Malija, zemlja u kojoj bijesni najstrašniji rat, igra protiv Gane, dok se DR Kongo sastaje sa Nigerom.

Retultati - Grupa A:

Južna Afrika - Angola 2:0

Sangeni 30, Majoro 62

Maroko - Kape Verde 1:1

Arabi 78 - Platini 36