Bajern silovit u Hanoveru - Vijesti.me
BUNDESLIGA (15. KOLO)

Bajern silovit u Hanoveru

Bajern je ubjedljivo slavio u Hanoveru u 15. kolu Bundeslige, i iskoristio je remi Borusije Menhengladbah u Hofenhajmu da je sustigne na drugoj poziciji

Robert Levandovski je postavio konačnih 4:0
Robert Levandovski je postavio konačnih 4:0 (Foto: FABIAN BIMMER)

Bajern je ubjedljivo slavio u Hanoveru u 15. kolu Bundeslige, i iskoristio je remi Borusije Menhengladbah u Hofenhajmu da je sustigne na drugoj poziciji.

Obje ekipe imaju po 30 bodova, šest manje od lidera, Borusije Dortmund, koja od 18,30 sati dočekuje Verder. Bajern je golom Kimiha već u 2. minutu došao u prednost, koju je u 29. udvostručio Alaba. U nastavku su pogađali Gnabri u 53. i Poljak Robert Levandovski, koji je sjajnim golom glavom postavio konačnih 4:0 u 62. minutu.

Novajlija u ligi, Fortuna Diseldorf je kući pobijedila Frajburg (1:0) i prvi put od starta prvenstva je izvan zone ispdanja. Tačnije, na 16. je mjestu koje garantuje baraž za ostanak u najjačoj ligi Njemačke.

Štutgart je kući nakon preokreta slavio protiv Herte (2:1) , dok je Augsburg pred svojom publikom remizirao sa Šalkeom (1:1)