Osvajač Kupa ispao od člana četvrte lige, Bajern se namučio protiv amatera

Fudbalska sezona u Njemačkoj počela je mečevima Kupa i šokantnom eliminacijom branioca trofeja.

Ajntraht iz Frankfurta ispao je na startu od Ulma, člana četvrte lige, od koga je izgubio 2:1.

Golovima Štefena Kajnlea i Vitalija Luksa, Ulm je poveo 2:0, a Gonsalo Paciencija samo ublažio poraz u posljednjem minutu.

Ovo je prvi put da osvajač Kupa bude eliminisan u prvom kolu od 1996. godine, kada je Grojter Firt pobijedio ekipu Kajzerslauterna.

Bajern je gostovao u Aselu, mjestašcu od 11 hiljada stanovnika, i lokalnog niželigaša, amatersku ekipu Drohtersen savladao samo 1:0, golom Roberta Levandovskog u 81. minutu.