Transfer sapunica ovog ljeta još traje, mediji se "hrane" pričama o Nejmarovom prelasku u Pari sen Žermen.
U svakoj priči potencira se da će francuski klub platiti otkupnu klauzulu koja stoji u njegovom ugovoru sa Barselonom, a koja iznosi 222 miliona eura.
To bi bio najveći transfer svih vremena, ali Nejmarova klauzula ne samo da nije najveća u španskom fudbalu, već čak sedmorica igrača vrijede više, po mišljenju svojih poslodavaca.
Tako, recimo, klub koji bude želio Kristijana Ronalda i Karima Benzemu, a da pritom ne može da se dogovori sa Realom, morao bi "kraljevskom klubu" da plati milijardu eura!
Hames Rodriges, Garet Bejl i Luka Modrić imaju u svom ugovoru otkupnu klauzulu u iznosu od 500 miliona eura, dok je Toni Kros procijenjen na 300 miliona eura.
Toliko po novom ugovoru iznosi i otkupna klauzula Lea Mesija.
Tek onda dolazi Nejmarovih 222 miliona eura.
Naravno, otkupna klauzula nije "sveto pismo", jer uvijek postoji mogućnost dogovora klubova, kao nedavno u slučaju Hamesa Rodrigesa.
Bajern je Kolumbijca doveo na pozajmicu, sa mogućnošću otkupa ugovora za dvije godine, po 10 puta manjoj cijeni nego što je njegova procijenjena vrijednost u ugovoru sa Realom.
Bonus video:
