Mančester siti savladao je Everton (2:0) u prvom meču šestog kola Premijer lige.
Nije za "građane" bilo baš tako lako kao što rezultat govori. Protivnik se držao sve do 68. minuta, kada je nestašni Mario Baloteli majstorskim šutem sa 20 metara, nakon povratnog pasa Aguera, smjestio lotptu u sam ćošak Hauardovog gola. Italijan je samo 18 minuta ranije ušao u igru umjesto Edina Džeka, dok je Karlos Tevez cijeli meč presjedio na klupi.
A desetak minuta prije kraja, Roberto Manćini je odlučio da se osigura, uveo je Stefana Savića umjesto veziste Samira Nasrija, pokazavši da sve više vjeruje crnogorskom defanzivcu. Tako je Savić upisao svoj treći nastupu u šest kola Premijer lige.
U samom finišu Siti je postigao i drugi gol, pas Davida Silve proparao je odbranu Evertona, a rezervista Milner finiširao je za 2:0.
"Uvijek je bilo teško protiv Evertona. Imali smo puno šuteva u prvom poluvremenu, ali bez sreće da damo gol. Drugo poluvrijeme je bilo bolje", kazao je trener Sitija Roberto Manćini, čiji je tim makar privremeno preuzeo prvo mjesto na tabeli.
Everton je u sudijskoj nadoknadi mogao do počasnog gola, ali je šut Felanija Savić očistio sa gol linije.
Bonus video:
