Kazne će biti rigorozne, moguće i izbacivanje iz ABA lige - Vijesti.me
PREDSJEDNIK ABA LIGE SMATRA DA SE INCIDENTI NEĆE PONOVITI

Kazne će biti rigorozne, moguće i izbacivanje iz ABA lige

"Ako se slučajno ponove incidenti, može doći i do strožih kazni, pa čak i do izbacivanja iz lige. Ali nadam se da do toga neće doći i da će naredne sezone sve proteći u sportskoj atmosferi", naglasio je Čavlović

Incidenti na meču Crvena zvezda - Budućnost
Incidenti na meču Crvena zvezda - Budućnost (Foto: BRANISLAV BOZIC)

Novi predsjednik ABA lige Domagoj Čavlović najavio je da se incidenti slični onima iz finala plej-ofa između Crvene zvezde i Budućnost Volija neće ponoviti. 

“Meni je žao što je cijela prethodna sezona pokvarena sa nekoliko utakmica koje stvarno nisu pokazale pravu sliku ABA lige. Cijelo takmičenje je bilo zanimljivo, odlično, viđeno je dosta kvalitetnih utakmica, ali kraj sigurno nije nešto na što možemo biti ponosni. Svi smo svjesni toga što se sve događalo na tih nekoliko mečeva, ali isto tako smo saglasni da se takve stvari više ne smiju ponoviti. U suprotnom, učesnici incidenata biće rigorozno kažnjeni. Pravila će biti još rigoroznija, iako su ona 90 odsto usaglašena sa Evroligom. Čak ćemo u nekim stvarima biti još strožiji jer nećemo dopustiti da se ponovi ono što se dogodilo u finalu plej-ofa”, rekao je Čavlović za index.hr.

"Ako se slučajno ponove incidenti, može doći i do strožih kazni, pa čak i do izbacivanja iz lige. Ali nadam se da do toga neće doći i da će naredne sezone sve proteći u sportskoj atmosferi", naglasio je Čavlović.

On je nedavno izabran za predsjednika ABA lige, sa mjesta direktora Cibone.


Vidi sve komentare