Problemi za Oklahomu - jedan od nosilaca igre Rasel Vestbruk mora na operaciju koljena.
Bek Tandera je povrijedio meniskus desne noge na drugom meču plej-ofa Zapadne konferencije protiv Hjustona (105:102).
Dvadesetčetvorogodišnji košarkaš će narednih dana bizi podvrgnut hirurškom zahvatu, a kada bi trebalo da se vrati na teren, još nije poznato.
Ono što je sigurno, za njega je ova sezona završena.
Vestbruk je u dosadašnjme dijelu sezone prosječno davao 23,2 poena uz 7,4 asistencije po meču.
"Zdravlje naših igrača je najvažnije. Naš medicinski tim je konslutovao nekoliko specijalisti i utvrđeno je da Rasel mora na operaciju. proći proceduru za rešavanje tog pitanja. Mi smo detaljno razgovarali sa njim I žao mu je što ne može pomoći saigračima u nastavku plej-ofa. Rasel je lider ove ekipu, ali znam da će se ostali igrači još više ujediniti i učiniti sve da se njegovo odsustvo ne osjeti”, rekao je Sem Presti, izvršni potpredsjednik i generalni menadžer Oklahome.
Tako će Vestbruk prvi put u karijeri propustiti zvaničnu utakmicu.
Ovo mu je peta sezona u najjačoj košarkaškoj ligi na svijetu, a odigrao je 439 mečeva uključujući i plej-of.
Nikada nije propustio meč ni na koledžu, ni u srednjoj školi.
Bonus video:
