Šef sektora za mlade vozače Red Bula Helmut Marko izjavio je da je svojim vozačima predložio da se namjerno zaraze koronavirusom kako bi stekli imunitet prije početka sezone, ali kako njegov prijedlog "nije bio dobro prihvaćen".
"Imamo četiri vozača u Formuli 1 i još osam ili 10 mladih vozača. Radi se o mladim i zdravim momcima i kao takvi su u odličnom zdravlju. Htio sam da organizujem kamp na kojem bi se zarazili. Time bi stekli imunitet i bili spremni za početak sezone. Ipak, ta moja ideja nije naišla na odobravanje", izjavio je 76-godišnji Marko.
Zbog pandemije koronavirusa odložene su trke za Veliku nagradu Barheina, Vijetnama, Kine, Nizozemske, Španije i Azerbajdžana, dok su trke za VN Australije i Monaka otkazane i uopšte se neće voziti ove sezone.
Sezona bi trebalo da počne trkom za Veliku nagradu Kanade, 14. juna, ali moguća su i nova pomjeranja.
Bonus video:
