Sloun Stivens osvojila je titulu na turniru u Majamiju - američka teniserka je danas u finalu pobijedila Letonku Jelenu Ostapenko sa 7:6 (7-5), 6:1.
Do šeste titule u karijeri stigla je poslije sat i 31 minut igre.
Prvi međusobni meč Stivens i Ostapenko odlučile su ga neiznuđene greške letonske teniserke.
Ona ih je napravila ukupno 48 i tako pomogla Amerikanki da zadrži perfektan skor kada je riječ o finalima. Naime, ovo je bilo šesto WTA finale koje je igrala Stivens i njena šesta pobjeda u mečevima za titulu.
Ova pobjeda će šampionki Otvorenog prvenstva SAD biti još slađa, pošto će od ponedeljka biti među deset najboljih teniserki svijeta, odnosno zauzeće deveto mjesto.
Bonus video:
