Nekadašnji voditelj Radio Beograda i Televizije Beograd, Svetislav Vuković, preminuo je u 83. godini, prenio je RTS.
Bio je poznat po brojnim emisijama, ali i kao autor tekstova za poznate pjesme kao što su "Ljubav je samo riječ", "Odiseja", "Kad bih znao da je sama", "Pozdravite moga tatu". Za novinarski i voditeljski rad osvojio je mnoga priznanja.
Vuković je rođen 3. februara 1936. godine u Štitarici kod Mojkovca, gdje je i završio osnovnu školu. Nižu gimnaziju sa malom maturom pohađao je i završio u Kolašinu. Četiri razreda Više realne gimnazije završio u Ivangradu. Osmi razred gimnazije i veliku maturu završio je u Bijelom Polju 1955. godine.
Iste godine upisuje Pravni fakultet u Beogradu, na kome je i apsolvirao.
Kao spiker Radio Beograda počinje da radi 1961. Paralelno je započeo i rad na beogradskoj televiziji.
Između brojnih priznanja koje je dobio za svoj plodan rad, Nagrada za životno djelo Radio-televizije Srbije pripala mu je 1999. godine, a 2000. godine je bio najbolji voditelj RTS-a.
U penziju je otišao 2000. godine, poslije 43 godine provedene u RTS.
Vrijeme sahrane biće naknadno objavljeno.
Bonus video:
