NATO je danas pozvao Rusiju da napusti Krim, a taj poziv ruski senator sa Krima, Sergej Cekov ocijenio je kao neadekvatan.
On je to rekao reagujući na izjavu načelnika vojnog komiteta NATO Stjuarta Piča da ta organizacija ne priznaje pripadnost Krima Rusiji i poziva Moskvu da povuče trupe sa poluostrva.
"Krimljani žive u miru i spokojstvu, a NATO bi želio da destabilizuje situaciju na Krimu. Njima (NATO-u) se ne sviđa način na koji se Krim razvija, ali nećemo im pružiti to zadovoljstvo", rekao je Cekov.
Prema njegovim riječima, Krim se ponovo ujedinio sa Rusijom legalno i pravedno, a zahtjevi predstavnika Alijanse nisu adekvatni.
Šef radne grupe za međunarodno-pravna pitanja u stalnom predstavništvu Republike Krim pri predsjedniku Ruske Federacije Aleksandar Molohov izjavio je da ne treba obraćati pažnju na riječi predstavnika NATO.
"Nije rekao ništa novo. To su redovne ritualne fraze koje odražavaju čvrst i nekonstruktivan stav NATO vojske", rekao je Molohov, prenosi Tanjug.
Bonus video:
