Erdogan traži smjenu šefa diplomatije Izraela

Izrael mora da se otarasi Libermana i to je svakako njihova dužnost, a ne naša", rekao je turski premijer.
0 komentar(a)
Erdogan, Foto: Beta
Erdogan, Foto: Beta
Ažurirano: 13.01.2011. 20:01h

Turski premijer Redžep Tajip Erdogan pozvao je danas Vladu Izraela da smijeni šefa diplomatije Avigdora Libermana zbog neodmjerenih izjava koje, kako je ocijenio, utiču na stabilnost regiona. Liberman je poznat po "oštrom jeziku" i skepticizmu prema mirovnim pregovorima sa Palestincima, a u nastupima je više puta dovodio u pitanje lojalnost arapske manjine izraelskim vlastima."Izrael mora da se otarasi (Libermana) i to je svakako njihova dužnost, a ne naša", rekao je Erdogan, prenosi danas.org. Na to je reagovao zamjenik izraelskog premijera Silvan Šalom. On je odbacio Erdoganove primjedbe kao neprimjerene. Šalom je ponovio da Izrael želi da obnovi bliske veze sa Turskom i dodao da izjave turskog premijera tome svakako neće doprinijeti.

Bonus video: