Glumac Mel Gibson mogao bi da završi u zatvoru i to na četiri godine jer je pretukao svoju bivšu djevojku Oksanu Grigorijevu. Tužioci su otkrili kako će predati sudu tužbu za porodično nasilje protiv pedesetpetogodišnjeg glumca.
Oksana ga je optužila da joj je u svađi slomio dva zuba u njihovom domu u Kaliforniji.
Ona je izjavila kako ju je Mel istukao dok je u rukama država tada dvomjesečnu kćerkicu Luciju.
"Bojala sam se za svoj i za život svoje kćerke. Lupio me po ustima, a kada sam otišla u kuhinju po ključeve on mi je prijetio pištoljem i bojala sam se da će me ubiti", izjavila je Oksana.
Optužba se može tretirati kao prekršaj ili kao kazneno djelo.
Ukoliko se zaključi da je to kazneno djelo, Mel bi mogao da dobije i do četiri godine zatvora, a ukoliko se ocijeni da je njegov potez ipak bio prekršaj, dobiće najviše godinu dana zatvora.
Ipak, tužitelj želi da kazni Mela za to, pa samim tim ne odustaje od četvorogodišnje zatvorske kazne.
Gibson demantuje da je udario svoju bivšu djevojku i tvrdi da je ona htjela da izvuče novac od njega, pa ga je ucjenjivala.
Bonus video:
