Sirijski pobunjenici spremaju se da danas nastave napuštanje dijela istočne Gute kod Damaska, dok su sirijske snage preuzele govoto čitavu kontrolu nad tim područjem, nekadašnjim uporištem pobunjenika, javila je agencija Frans pres na licu mjesta. Nekoliko desetina pobunjeničkih boraca i civila okupilo se danas u Arbinu, gradu u Guti, gdje čekaju autobuse koji će ih odvesti u provinciju Idlib. Oko 1.000 boraca pobunjeničke grupe Fajlak al Rahman juče je napustilo Gutu, nakon što su pretreseni i položili oružje. Oko 7.000 boraca bi trebalo s porodicama da napuste Gutu. Iz istočne Gute je otišlo 105.000 civila od početka ofanzive sirijskih snaga započete 18. februara. Oni su evakuisani preko humanitarnih koridora i odvedeni su u zone pod kontrolom sirijskih vlasti. Na tom području je prije ofanzive živelo oko 400.000 ljudi, dok je u napadima poginulo 1.600 civila, kako je navela opoziciona Sirijska opservatorija za ljudska prava. Tokom ofanzive je poginulo 485 vojnika i 310 pobunjeničkih boraca. Od početka rata u Siriji 2011. stradalo je više od 350.000 ljudi.
Bonus video:
