Za nepoštovanje posebnih mjera u borbi protiv širenja koronavirusa zaprijećena je kazna zatvora u trajanju od godinu.
Ukoliko je došlo do prenošenja bolesti slijedi kazna od tri godine, a ako se niste pridražavali Vladinih mjera i tako izazvali nečiju smrt predviđena je kazna zatvora do 12 godina, objasnila je u "Bojama jutra" na Televiziji Vijesti advokatica Milica Saveljić.
"Ako je neko prećutao nadležnim organima da je došao iz inostranstva i to bi moglo da bude kažnjivo", kazala je advokatica.
Saveljić je istakla da je objavljivanje imena ljudi u samoizolaciji legalno, ali da će se vidjeti koliko je legitimno.
"Ustavni sud će reći svoje, ali ako ljudi kojima je otkriven identitet budu na neki način ugroženi, s njima će se baviti advokati", rekla je Saveljić, te dodala da nije sigurna koliko je pametno objaviti imena osoba koji su zaraženi virusom korona.
Bonus video:
