Mo Farah je srušio 16 godina star rekord čuvenog Španca Fermina Kaća i postao najbrži Evropljanin svih vremena na 1.500 metara.
Ni tako dobra trka nije bila dovoljna olimpijskom šampionu iz Londona na pet i 10 kilometara da slavi na mitingu Dijamantske lige u Monaku.
Asbel Kipruto Kiprop je istrčao četvrti najbrži rezultat svih vremena (3:27,72) i bio brži čak sekundu i devet stotinki od Britanca rođenog u Somaliji.
Kiprop je kao 19-godišnjak postao olimpijski šampion u Pekingu, ali nakon što je zbog dopinga diskvalifikovan Rašid Ramzi.
Poslije toga je imao mnogo uspona i padova, o čemu najbolje govore rezultati - 2011. je uzeo zlato na Svjetskom prvenstvu u Daeguu, a lani je bio posljednji u finalu Olimpijskih igara.
Bonus video:
