Nakon trećeg mjesta u superveleslalomu Val d'Izeru i Sanka Katerini, Dominik Paris je stigao i do porve pobjede u sezoni - italijanski skijaš je pobijedio u trećem spustu sezone koji je za Svjetski kup alpskih skijaša vožen danas u Kicbilu.
Do sedme pobjede u Svjetskom kupu,šestim u spustu (ima i trijumf u superveleslalomu), Paris je došaou vremenu 1:55.01 minuta.
Trijumfom mu je donio i vođstvo u plasmanu spusta sa 142 boda.
Drugoplasirani Francuz Valentin Žiro Moan imao je zaostatak od 21 stotinke, dok je njegov sunarodnik Johan Klari 33 stotinke bio sporiji od pobjednika.
U poretku spusta drugi je Aksel Lund Svindal sa sa 140, a treći Italijan Peter Fil sa 139 bodova.
U generalnom plasmanu Svjetskog kupa čelnu poziciju zauzima Austrijanac Marsel Hiršer sa 980 bodova.
Norvežanin Henrik Kristofersen je drugi sa 692, a treći Francuz Aleksis Panturo sa 655 bodova.
Svjetski kup biće nastavljen sjutra slalomom u Kicbilu.
Bonus video:
