Kluni između dvije vatre: Džulija Roberts ili Sandra Bulok? - Vijesti.me
rat zvijezda

Kluni između dvije vatre: Džulija Roberts ili Sandra Bulok?

Rivalstvo između ove dvije glumice traje još od 1994. godine nakon Sandrinog pojavljivanja u filmu “Brzina”

Dugogodišnje rivalke, Sandra Bulok i Džulija Roberts žele da ih njihov prijatelj i kolega podrži u kampanji za dodjelu Oskara.

Naime, Sandra se nada statui Oskara za najbolju glumicu, a Džulija za najbolju sporednu ulogu.

Ovdje se definitivno Džordž našao u nezavidnom položaju jer je sa Sandrom glumio u filmu “Gravity”, a takođe je producent i filma u kojem se našla Džulija “August: Osage County”.

Četrdesetšestogodišnja Džulija svjesna svega toga insistira da se što više pojavljuje u medijima sa Klunijem.

“Džulija je nepravedna, jer je Džordž proveo mnogo više vremena promovišući film s njom nego sa Sandrom. Džordž ne smatra da je Sandri potrebna pomoć i promocija kako bi osvojila Oskara. Džulija u to ne vjeruje, pa ga koristi i želi da se ubaci u sljedeći projekat sa njim samo kako bi istisnula Sandru iz priče”

Inače, rivalstvo između ove dvije glumice traje još od 1994. godine kada su Sandru nakon uloge u filmu “Brzina” proglasili sljedećom Džulijom Roberts.