Pingvini očišćeni od nafte i vraćeni u more

Pingvini su bili na ivici smrti kada se početkom oktobra teretni brod sudario sa grebenom
0 komentar(a)
Ažurirano: 08.12.2011. 20:59h

49 malih pingvina koji su bili preplavljeni naftom sa teretnog broda koji je naletio na greben, vraćeni su u more nakon skoro dva mjeseca.

Pingvine su na plažu Maunt Maunganui na Novom Zelandu vratila djeca, uz pomoć stručnjaka za spasavanje divljih životinja.

Čim su pušteni na plažu, pingvini su se rastrčali.

Neki su pohrlili prema vodi, neki u pogrešnom smjeru, a pojedini su trčkarali u krug tražeći svoje prijatelje iz vremena provedenog u zatočeništvu.

Ovi pingvini su bili na ivici smrti kada se početkom oktobra teretni brod sudario sa grebenom.

Bili su natopljeni naftom i uslijedio je mukotrpan proces čišćenja.

Sada su čipovani, tako da će naučnici moći da prate njihovo kretanje nakon puštanja u divljinu.

Galerija

Bonus video: