Gvardioli se ovo nikada nije dogodilo u karijeri: Iz najmanjeg posjeda do pobjede
Siti je imao 46,74 odsto vremena posjed lopte, što je najmanji posjed ekipe koju je vodio Pep Gvardiola u svojoj trenerskoj karijeri
Mančester siti je pobijedio Čelsi 2:1 u Premijer ligi, ali će večerašnji meč na "Etihadu" ostati upamćen po jednom statističkom podatku.
Siti je imao 46,74 odsto vremena posjed lopte, što je najmanji posjed ekipe koju je vodio Pep Gvardiola u svojoj trenerskoj karijeri.
Čovjek koji je posjed lopte ustanovio kao osnovu pobjeda i trofeja, koji je i sa Barselonom, i sa Bajernom, i sa Sitijem, gradio rezultate isključivo kroz kontrolu igre, poslije 381 utakmice naišao je na rivala koji se nametnuo na terenu...
Još jednom se potvrdilo da je posjed varljiva kategorija i da je direktni fudbal, zasnovan na brzini protoka lopte, a ne vremenu držanja lopte, i dobrim individualnim rješenjima, često znatno produktivniji...
( Vijesti Sport )