dugogodišnji problem

Invalidi rada štrajkuju glađu: Ne odustajemo dok ne riješe naš status

Invalidi rada traže da sa 55 godina života stiču pravo na penziju kao i oni sa 30 godina staža, bez obzira na starost
0 komentar(a)
Ažurirano: 29.10.2013. 19:26h

50 invalida rada iz Bijelog Polja od jutros štrajkuju glađu u prostorijama svog udruženja. Više godina tražili su od nadležnih da riješe njihove probleme ali od svega nije bilo ništa.

"Ova naša agonija već je u četvrtu godinu ušla i ovo ako ima imalo ljudskosti treba da se riješi. Mi smo u teškoj situaciji i nećemo odustati od naših zahtjeva jer mi smo tako u pravu, to je tako prosto riješiti jer naši zahtjevi nisu ništa nerealni nego su ljudski i normalni", kaže Ešef Salković.

A ti zahtjevi su da invalidi rada sa 55 godina života stiču pravo na penziju kao i oni sa 30 godina staža, bez obzira na starost. Bjelopoljskim invalidima rada u štrajku glađu pridružile su se kolege iz Rožaja.

"Mi ćemo da istrajemo do smrti ovdje. Mi se ne vraćamo odavde dok se ne riješi problem i status invalida rada", kazao je Hajran Murić, invalid rada iz Rožaja.

Bjelopoljski invalidi rada štrajkovali su glađu i prije dvije godine.Taj štrajk trajao je devet dana kada im je obećano rješavanje istih zahtjeva. No od tih obećanja nije bilo ništa.

Lazar Knežević, invalid rada iz Bijelog Polja, kaže da je u pitanju protest socijalnog karaktera i da hoće da istjeraju pravdu do kraja.

"Istjeraćemo je po cijenu naših života inače naši su životi i ovako ugroženi. Da sjutra čekamo da idemo po kontejnerima da tražimo hranu. Nećemo bolje ovdje časno umrijeti nego nečasno živjeti i tražiti parče hljeba u kontejneru".

Invalidi će se za pomoć obratiti i međunarodnim institucijama u Crnoj Gori.

Preporučujemo za Vas