ZA LJEPŠI IZGLED KOŽE

Glina liječi i podmlađuje

Gline možemo koristiti kao maske za čišćenje lica, oralno za detoksikaciju organizma, kao detoksikacijska blata koja se nanose na cijelo tijelo ili samo određene dijelove tijela
81 pregleda 0 komentar(a)
glina, Foto: Shutterstock
glina, Foto: Shutterstock
Ažurirano: 20.01.2018. 12:14h

Ljekovitosti glina su poznate od davnina. One se sastoje od malenih kristala koji na sebe vežu masnoću i toksine iz kože. Istovremeno, gline u kožu otpuštaju silicijum, kalijum, kalcijum, natrijum, gvožđe, mangan, magnezijum, i na taj način poboljšavaju metabolizam ćelija kože.

Vrste gline

Na tržištu postoji više vrsta glina: zelena koristi se kod masne i nečiste kože i u oblozima kod bolnih zglobova i mišića, bijela (kaolin) koristi se u maskama za osjetljivu kožu, roze je pogodna za suvu kožu, dok se crvena koristi za masnu kožu.

Corylus zbog prisustva silicijuma koji tonizira kožu ima antiage efekat, cedrus i cocoa podstiču metabolizam kože zbog velike prisutnosti gvožđa, cydonia tonira kožu zbog prisustva kalcijuma, tilia i quecus zbog prisustva magnezijuma smanjuju napetost potkožnog tkiva i masnoću, vulcanus bogata je sumporom pa se koristi kod masne kože, i ljubičasta glina izvrsna za obnovu kože zbog prisustva mangana.

Primjena

Gline možemo koristiti kao maske za čišćenje lica, oralno za detoksikaciju organizma, kao detoksikacijska blata koja se nanose na cijelo tijelo ili samo određene dijelove tijela (kod celulita na primjer), kao obloge kod bolnih zglobova i mišića, ili se može stavljati u kupke za detoksikaciju organizma.

Za izradu maske za lice najčešće se koriste zelena i bijela glina. Zelena glina namijenjena je za njegu masne kože, a bijela za njegu normalne i osjetljive kože. U maske za lice možemo dodati biljni glicerol, biljno ulje, hidrolat i eterična ulja i na taj način dobiti izvrsnu i ljekovitu smjesu za njegu lica.

Nanošenje maski

Maska za lice stavlja se na suvu kožu, treba je pustiti da stoji na licu dvadesetak minuta i potom ju je potrebno dobro isprati mlakom vodom.

Nakon toga, bilo bi dobro barem sat vremena ništa ne nanositi na lice da koža malo "prodiše", a zatim nanijeti laganu kremu ili uljnu mješavinu. Maske za lice dovoljno je koristiti jednom sedmično, a nakon tretmana koža će izgledati svježije, odmorenije i zategnutije.

Nakon primjene gline kao detoksikacijskog blata ili stavljanja gline u kupke sasvim sigurno ćete se osjećati svježije i odmornije.

Još jedna velika prednost preparata od gline je njihova dostupnost i jednostavnost izrade.

Možete se bez straha upustiti u samostalnu izradu, jer, ako pomiješate samo vodu i glinu, dobićete ono što trebate.

Dodavanjem eteričnih ulja, hidrolata i biljnih ulja dodatno ćete obogatiti i poboljšati djelovanje, prenose Nezavisne.