Trikovi za čuvanje namirnica: Šta će luk u najlon čarapama?

Bananu odmaknite od ostalog voća, jer otpušta gasove od kojih ono brže sazrijeva
5609 pregleda 0 komentar(a)
Ilustracija, Foto: Shutterstock
Ilustracija, Foto: Shutterstock

Koliko puta vam se dogodilo da vam namirnice propadnu prije nego što ste očekivali? Uz pomoć nekoliko trikova uspjećete da izvučete najviše od onoga što ste kupili za jelo. Da biste mlijeku produžili rok trajanja, u tetrapak stavite vrlo malo soli. Salatu ćete održati svježom ukoliko je držite u frižideru umotanu u papirni ubrus, a hljeb ako u kesu u kojoj ga čuvate ubacite komadić svježeg celera. Bananu odmaknite od ostalog voća, jer otpušta gasove od kojih ono brže sazrijeva.

Zagorio vam je pirinač?

Neprijatan miris i ukus odstranićete tako što ćete na pirinač staviti krišku bijelog hljeba i ostaviti da odstoji petnaestak minuta. Presoljenu supu učinićete jestivom ako u nju ubacite kuvani krompir, koji će upiti višak soli.

Prilikom kuvanja, krompir i tjestenine otpuštaju nutrijente, korisne za rast biljaka. Nemojte tu vodu prosipati, već je ohladite i njome ih zalijte - biće vam zahvalne.

Držite jabuke dalje od ostalog voća i povrća

I dok je dobar za krompir, etilen je loš za gotovo sve ostalo voće i povrće jer ubrzava njihovo truljenje. Nemojte jabuke držati u zdjeli s voćem, već ih stavite u plastičnu vrećicu i spremite u frižider.

Perite bobičasto voće sirćetom

Bobičasto voće ujedno je i najskuplje i ono koje najbrže propada. Možete produžiti njegov vijek tako što ćete ga oprati u mješavini jedne šolje sirćeta i tri šolje vode prije nego što ga stavite u frižider. Na taj ćete način ubiti spore plijesni i bakterije od kojih propadaju. Prije spremanja u frižider budite sigurni da ste ih dobro osušili.

Ne stavljajte paradajz u frižider

Stajanjem u frižideru paradajz gubi ukus, a hladnoća uništava i njegovu sočnost. Kako biste izvukli najbolje od njega, paradajz držite u zdjeli na radnoj površini. Osim njega, frižider "ne voli" ni krompir i luk.

Začinsko bilje tretirajte kao buket cvijeća

Kupovanje svježeg začinskog bilja u plastičnoj ambalaži ponekad je neizbježno, ali ako ne želite da istrune u roku od dva dana, bilje stavite u čašu vode i držite ga na prozoru.

Čuvajte luk u starim najlonkama

Iako zvuči čudno, ovakvo spremanje luka zapravo će spriječiti njegovo truljenje i održati ga svježim mjesecima. U stare najlonke stavite glavice luka, a između svake svežite čvor. Luk objesite na tamnom i hladnom mjestu.

Bonus video: