PRAVI RUČAK

Zapečena boranija: Odlična i sa mesom i bez mesa

Ako se odlučite za varijantu s mesom, možete odabrati i suvo meso

19075 pregleda 63 reakcija 0 komentar(a)
Ilustracija, Foto: Shutterstock
Ilustracija, Foto: Shutterstock

Vrijeme je za boraniju, a ako vam je dosadilo da je spremate na klasičan način, pred vama je recept prema kojem se ovo zdravo povrće priprema na nešto drugačiji način.

Sastojci:

  • 1 kg očišćene žute boranije
  • 1 veća glavica crnog luka
  • 3-4 čena bijelog luka
  • 1 zelena, ljuta papričica
  • 1 veća šargarepa, isječena na sitnije kockice
  • 2 veća paradajza, oljuštena i isječena na kockice
  • meso po izboru, ako ga ne preskočite
  • 4 jaja
  • 500 ml mlijeka
  • 4 kašike gustog jogurta ili kisjele pavlake
  • so, biber, suvi začin
  • 2-3 kašike svježe sjeckanog peršuna
  • 2-3 kašike ulja

Priprema:

Boraniju oprati, očistiti i isjeći na polovine, ako je dugačka, na tri dijela. Na ulju propržiti sitno sjeckani luk, kada postane staklast, dodati šargarepu i bijeli luk i sitno sjeckanu zelenu papriku. Propržiti nekoliko minuta pa dodati isječen paradajz i očišćenu i isječenu boraniju.

Promiješati dodati malo vode, poklopiti i na tihoj temperaturi dinstati dok boranija ne omekša, povremeno dodajući po malo vode. Ako spremate s mesom i ako koristite suva mesnata rebra, prvo ih prokuvajte u vodi, tu vodu bacite i onda dodajte u boraniju. Meso dinstajte zajedno s povrćem.

Omekšaloj boraniji dodati začine, vegetu, biber, svjež peršun, sve dobro promiješati, pa sipati u vatrostalnu činiju. Umutiti jaja, dodati mlijeko i gusti jogurt/kisjelu pavlaku i preliti preko boranije.

Peći u prethodno zagrijanoj rerni na 200 stepeni oko pola sata poklopljeno, otkriti i peći još petnaestak minuta, dok ne dobije finu rumenu boju.