NA DRUGI NAČIN

Umjesto pohovanih: Tikvice uz sos od kisjele pavlake

Kod nas ih domaćice najčešće pohuju ili griluju, u ovom receptu su narendane i pržene
5400 pregleda 0 komentar(a)
Ilustracija, Foto: Shutterstock
Ilustracija, Foto: Shutterstock

Tikvice se koriste u raznim varijantama, zato što ukus tikvice ne remeti ostale sastojke. Neki smatraju da su one savršeno povrće - dijetalno, zdravo i ukusno. Pravo su osveženje u odnosu na krompir i pirinač koji su najčešće na našim tanjirima kao prilog. Kod nas ih domaćice najčešće pohuju ili griluju, u ovom receptu su narendane i pržene.

Sastojci:

- 3 jaja - 3 kašike brašna - 2 veće tikvice - so i biber - 1 čaša (180 ml) kisjele pavlake - struk peršina - struk vlašca

Priprema:

Narendajte tikvice. Dodajte im jaja, brašno, so i biber. Ako vam smjesa izgleda pregusto ili prerijetko dodajte mlijeko ili brašno - treba da bude nešto gušća od smjese za palačinke. Polpete kašikom stavljajte na zagrijano ulje. Pecite ih s jedne i druge strane dok ne poprime zlatno-žutu boju.

U kisjelu pavlaku nasjeckajte peršun i luk vlašac. Dodajte i malo limunovog soka.